Қораўзак туманига ҳоким тайинланди

Анвар Баймуратов Қораўзак тумани ҳокими этиб тайинланди. 

7 август куни халқ депутатлари Қораўзак туман Кенгашининг навбатдан ташқари 81-сессияси бўлиб ўтди.

Сессияда Қораўзак тумани ҳокими лавозимига Баймуратов Анвар Махсетовични тайинлаш масаласи кўриб чиқилди ва у Қораўзак тумани ҳокими этиб тайинланди.

Анвар Баймуратов фаолияти давомида қатор масъулиятли лавозимларда ишлаган. У бугунги кунга қадар Қораўзак тумани ҳокимининг ўринбосари - инвестициялар ва ташқи савдо бўлими бошлиғи лавозимида фаолият олиб борган.

Аввалроқ Қорақалпоғистонда Тахиатош ҳокими ҳам алмашганди.