Ғозғон шаҳрига янги ҳоким тайинланди
Нурали Жўраев бунга қадар Инвестициялар, саноат ва савдо вазирлиги ҳудудларни ривожлантириш бошқармасида ишлаган.
Жамият
7 август, 9:46
Навоий вилояти ҳокими қарорига кўра Нурали Жўраев Ғозғон шаҳри ҳокими вазифасига тайинланди.
Тайинловга қадар Нурали Шуҳратович Жўраев Инвестициялар, саноат ва савдо вазирлиги ҳудудларни ривожлантириш бошқармаси бош мутахассиси вазифасида фаолият юритган.
Нурали Жўраев 1988 йилда Қизилтепа туманида таваллуд топган. Маълумоти олий.
Бухоро озиқ-овқат ва енгил саноат технологияси институтини ва Тошкент Давлат Иқтисодиёт университетини иқтисодчи, бухгалтерия ҳисоби ва аудит мутахассислиги бўйича тамомлаган.
