Томди туманига вақтинчалик раҳбар тайинланди
Навоий ҳокими Нормат Турсунов қатнашган сессияда аввалги ҳоким ишдан олинган.
Жамият
23 декабрь 2023 йил
Орзумурод Умаровга Томди тумани ҳокими вазифасини вақтинча бажариш топширилди. Халқ депутатлари Томди тумани кенгашининг навбатдан ташқари олтмиш учинчи сессияси бўлиб ўтди.
Ташкилий масала кўриб чиқилган мазкур сессия ишида Навоий вилояти ҳокими Нормат Турсунов сўзга чиқиб, Қ.Алдабергеновни туман ҳокими лавозимидан озод этиш тўғрисида қабул қилинган вилоят ҳокимининг қарорини ўқиб эшиттирди.
Ушбу қарор халқ депутатлари Томди тумани Кенгаши депутатлари томонидан маъқулланди.
Шунингдек, туманнинг ижтимоий-иқтисодий ривожланиш кўрсаткичлари юзасидан ҳам ахборот берилди, дейилади вилоят ҳокимлиги хабарида.
