АҚШда Google монополияси ноқонуний дея топилди
Компания интернетда қидирув тизимини монополия қилиш ва ҳалол рақобат қоидаларини бузишда айбланган.
Интернетда Google`нинг қидирув монополияси ноқонунийдир, АҚШда суд шундай ҳукм чиқарди.
Америка суди Google компаниясини ноқонуний ҳаракат қилиш, Интернетдаги қидирув тизимини монополия қилиш ва ҳалол рақобат қоидаларини бузишда айбдор деб топди.
Мазкур ҳукм Google тегишли бўлган Alphabet компанияси жиддий зарба бўлди, бу технологик бизнес юритувчи ташкилотлар ишини ўзгартириши ҳам мумкин.
2020 йилда АҚШ Адлия вазирлиги Google`га қарши даъво аризасини кўриб чиққанди, у онлайн бозорнинг қарийб 90 фоизини бошқариши маълум қилинганди. Бу йирик ИТ-компанияларга қарши чиқарилган бир қатор даъволардан биридир.
"Бу Америка халқининг тарихий ғалабаси", деди АҚШ Бош прокурори Меррик Гарланд. Google ишини назарда тутиб. "Компания қанчалик катта ёки таъсирли бўлишидан қатъи назар - қонундан юқори эмас".
Reuters хабарига кўра, Alphabet ҳукм юзасидан шикоят қилмоқчи.
