Бразилияда илк бор Оропуш инфекциясидан икки киши вафот этди
Жорий йилда мамлакатда 7 мингдан ошиқ киши ушбу инфекцияни юқтириб олган.
Бразилияда Оропуш инфекциясидан илк бор ўлим ҳолати кузатилди.
Баия штатининг ички қисмидаги икки қиз касаллик оқибатида вафот этган. Бразилия Соғлиқни сақлаш вазирлиги маълумотларига кўра, беморларнинг аломатлари данг безгагининг оғир шаклига ўхшарди.
Шу билан бирга, аёлларда оғир аломатлар кузатилмаган. Иккаласи ҳам 30 ёшдан кичик бўлган.
Мамлакат жанубидаги Санта-Катарина штатида Оропуш иситмасидан яна бир ўлим содир бўлган бўлиши мумкин.
2024 йилда Бразилияда жами 7 мингдан ортиқ Оропуш инфекцияси қайд этилган.
Вирусни аниқлашнинг биринчи ҳолатлари Жаҳон соғлиқни сақлаш ташкилоти томонидан 2020 йил октябр ойида қайд этилган.
Касаллик инсонга чивинлар орқали юқади. Унинг номи Тринидад ва Тобагодаги Оропуш дарёси номидан келиб чиққан.
Аввалроқ Ҳиндистонда чандипура вируси тарқалгани хабар қилинганди.
