Энди фирибгарлар бировнинг номига кредит расмийлаштира олмайдилар

Эндиликда фирибгарлар бировнинг номига кредит ололмайди. Янги ишга туширилган хизмат билан фойдаланувчи ўз кредит тарихини ўрганилишини чеклаб қўйиши мумкин бўлади.

"Кредит-ахборот таҳлилий маркази" кредит бюроси кредит ахбороти субъектларининг кредит тарихи ва унга оид маълумотларни ҳимоя қилиниши борасида кўрилаётган қўшимча чора-тадбирларни амалга оширилиши мақсадида, 2024 йилнинг 20 июнь санасидан "FREEZE" хизматини тест режимида ишга туширганини маълум қилди.

Мазкур хизмат орқали кредит ахбороти субъектлари (жисмоний шахслар) ўзларига тегишли кредит тарихи маълумотларини кредит ахборотидан фойдаланувчилар томонидан (янги кредит буюртмалари бўйича)KATM Кредит бюросидан олинишини чеклаб (тақиқлаб) қўйишлари мумкин бўлади ва кредит тарихи уларнинг хабарисиз ўрганилишини олдини олиш имкониятига эга бўладилар.

Ушбу хизматдан дастлаб веб-сайт орқали бепул фойдаланиш мумкин бўлади.

Шунингдек, 2025 йил 1 январдан эса хизмат пуллик асосида базавий ҳисоблаш миқдори (БҲМ) нинг 0,03 баробари миқдоридаги (ҚҚСни ҳисобга олмаган ҳолда) ҳақ эвазига амалга оширилади.