Президент йиғилишида ўнта ҳудуд ҳокими ишдан олинди
28 та туман-шаҳар ҳокимига нисбатан интизомий жазо чоралари кўрилади.
Жамият
17 июль, 10:55
Президент ўтказаётган йиғилишда ўнта ҳудуд ҳокими ишдан олиниши маълум қилинди.
Фаолиятида тизимли камчиликларга йўл қўйган 28 та туман-шаҳар ҳокимига нисбатан интизомий жазо чораларини кўрилади.
Шунингдек, Қораўзак, Тахиатош, Учқудуқ, Тошкент, Фурқат, Гурлан, Мирзаобод, Янгиариқ, Мингбулоқ туманлари, Ғозғон шаҳри ҳокимларини ишдан олиш бўйича Бош вазир Абдулла Ариповнинг таклифи қўллаб-қувватланди.
Эслатиб ўтамиз, аввал йиғилишда 2024 йилнинг биринчи олти ойида ялпи ички маҳсулот 6,4 фоизга кўпайгани хабар берилганди.
