Хоразмда маҳаллаларни ривожлантириш учун 4,5 млрд. сўм ажратилди

Хоразм вилояти ҳокими Жўрабек Раҳимов 8 июл санасида маблағ ажратиш бўйича фармойишни имзолади.

Фармойиш маҳаллаларни ижтимоий-иқтисодий ривожлантириш, инфратузилмалар бўйич долзарб масалаларни ҳал этиш ва аҳоли учун муносиб турмуш шароити яратишни кўзда тутади.

4,5 миллиард сўм Республика бюджетидан олинган ссуда маблағлари ҳисобидан вилоят ҳокимлигининг "Ягона буюртмачи" хизмати инжиниринг компаниясига ажратилади.

Фармойиш ижросини назорат қилиш вилоят ҳокими биринчи ўринбосари М.Ачилов зиммасига юкланган.

Аввал Тошкентда интелектуал ўйинлар учун бино харажатларига 36 млрд. сўм ажратилиши маълум бўлганди.