Жиззах вилоятига прокурор тайинланди
Иброҳимов ўз вақтида Чирчиқ шаҳар прокурори лавозимида ишлаганди.
Жамият
5 июль, 10:47
Бош прокурорнинг буйруғига асосан адлия катта маслаҳатчиси Бахтиёр Тойиржонович Иброҳимов Жиззах вилояти прокурори лавозимига тайинланди.
Бу ҳақида Бош прокуратура матбуот хизмати хабар берди.
Бахтиёр Иброҳимов тайинловга қадар Бош прокуратура бошқарма бошлиғи лавозимида ишлаган.
Иброҳимов ўз вақтида Чирчиқ шаҳар прокурори лавозимида ишлаганди. 2021 йил январда эса Бош прокуратуранинг бошқарма бошлиғи ўринбосари лавозимига тайинланганди.
Жиззах вилояти прокурори лавозимида Исломжон Эргашхўжаев ишлаб келаётганди.
