Евро-2024: Швейцария қийинчиликсиз чорак финалга чиқди

Европа чемпионати нимчорак финали биринчи ўйинида Италия ва Швейцария майдонга тушди.

Асосан Швейцария устунлиги остида ўтган учрашувда Италия деярли ҳеч нима қила олмади. Қизиллар чорак финалга ҳақлироқ ўйин кўрсатди.

Ўйинда ҳисобни 37-дақиқада Фройлер очган бўлса, 46-дақиқадаги Варгаснинг голи иккинчи бўлимни ишончли ғалаба билан бошлашга сабаб бўлди. Ҳар иккала гол ҳам чиройли урилди.

Энди Швейцария чорак финалда Англия - Словакия жуфтлиги ғолибига қарши ўйнайди.

Евро-2024, нимчорак финал

Швейцария - Италия 2:0
Голлар: Фройлер 37, Варгас 46