Жанубий Корея президенти Тошкентда кутиб олинди
Ўзбекистон президенти Шавкат Мирзиёев олий мартабали меҳмонни қарши олди.
Жанубий Корея президенти Тошкентда кутиб олинди.
14 июнь куни Кўксарой қароргоҳида Ўзбекистонга давлат ташрифини амалга ошираётган Корея Республикаси президенти Юн Сок Ёлни тантанали кутиб олиш маросими бўлиб ўтди.
Қароргоҳ олдидаги майдонда икки давлат байроқлари кўтарилди ва фахрий қоровул саф тортди.
Ўзбекистон Республикаси президенти Шавкат Мирзиёев олий мартабали меҳмонни самимий қарши олди ва шоҳсупага таклиф қилди. Давлат мадҳиялари янгради.
Ҳарбий оркестр садолари остида етакчилар фахрий қоровул сафи олдидан ўтдилар ҳамда расмий делегациялар аъзоларини бир-бирларига таништирдилар.
Биргаликда суратга тушилгандан сўнг тор доирадаги музокаралар бошланди.
Телеграмда кузатиб боринг!
