Жанубий Корея президенти Ўзбекистонга келади

Жанубий Корея пезиденти Юн Сок Ёл келаси ҳафтада Туркманистон, Қозоғистон ва Ўзбекистонга давлат ташриф буюради. Бу ҳақда Yonhap агентлиги давлат раҳбари идорасига асосланиб хабар берди.

Юн душанба куни биринчи хоним Ким Кеон Хи ҳамроҳлигида олти кунлик сафарга чиқади ва 15 июнгача Марказий Осиёнинг учта давлатига ташриф буюради, дейди Миллий хавфсизлик бўйича маслаҳатчи бош ўринбосари Ким Таэ Хё.

"Қадимги Ипак йўлининг маркази бўлган Марказий Осиё Европа ва Осиёни боғловчи стратегик нуқтадир", — деди Ким матбуот анжуманида.

Унинг айтишича, "Украинадаги уруш ва Яқин Шарқдаги можаро каби омиллар таъсирида глобал сиёсий инқироз кенгайгани сари минтақанинг стратегик аҳамият янада ортиб бормоқда".

Таъкидлаш лозимки, президент Шавкат Мирзиёев 2023 сентябрда Жанубий Корея раҳбари билан АҚШда учрашганди.