Сўз эркинлиги энг ёмон ҳолатда қолмоқда

Ўзбекистон сўз эркинлиги рейтингида 132-ўринни эгаллади.

Янги эълон қилинган ҳисоботда Ўзбекистонда сўз эркинлиги билан боғлиқ вазият "инқирозли" дея баҳоланди. Унга кўра, мамлакатда сўз эркинлиги даражаси Руанда, Яман, Бурунди, Судан ва Камбоджа билан бир хил.

Global Expression Report бутун дунё бўйлаб сўз ва ахборот эркинлиги бўйича таҳлилни тақдим этди. Таҳлил нафақат журналист ёки фаолларнинг, балки барчанинг сўз эркинлиги бўйича имониятларини ўз ичига олади.

Ҳозирда дунё аҳолисининг ярмидан кўпи "сўз эркинлиги инқирозга учраган мамлакатлар"да истиқомат қилмоқда, бу кўрсаткич ўтган йиллардаги натижалардан юқори. Дунё аҳолисининг атиги 23 фоизи очиқ ва сўз эркинлиги камроқ чекланган давлатларда истиқомат қилади.

Ҳисоботга кўра, Дания мазкур масалада энг эркин давлат ҳисобланади. Энг ёпиқ мамлакат эса Шимолий Кореядир.

Аввалроқ Ўзбекистон 2024 йил учун матбуот эркинлиги рейтингида 148-ўринни эгаллаган.