Россиялик таниқли телебошловчи ва актриса вафот этди
Анастасия Заворотнюк узоқ вақтдан буён саратон хасталиги билан курашиб келаётганди.
Россиялик театр ва кино актрисаси, телебошловчи Анастасия Заворотнюк узоқ давом этган хасталикдан сўнг вафот этди.
Бу ҳақида "РИА Новости" актрисанинг ижтимоий тармоқдаги саҳифаларидаги хабарларга асосланиб хабар берди.
53 ёшли Заворотнюк 2019 йил августидан бери театр спектаклларида қатнашишни тўхтатди. У узоқ вақтдан буён саратон хасталигига қарши муолажалар олиб келаётганди.
Заворотнюк ўнлаб филмларда рол ўйнаган ва кўрсатувларда бошловчилик қилган. Унга бирмунча машҳурликни "Менинг гўзал энагам" филмидаги иштироки олиб келган. Актирса шунингдек, "Винни Пух" мултфилмини овозлаштиришда ҳам қатнашган.
2006 йил Россия Федерациясида хизмат кўрсатган артист унвони билан тақдирланган.
