Ўзбекистон вендинг ассоциацияси тақдирланди
Гуанчжоу шаҳрида Asia Vending & Smart Retail Expo автоматик савдо (вендинг) саноатининг муҳим кўргазмаси бўлиб ўтмоқда.
Шу кунларда Гуанчжоу шаҳрида Asia Vending & Smart Retail Expo автоматик савдо (вендинг) саноатининг муҳим кўргазмаси бўлиб ўтмоқда. Ҳар йили жаҳоннинг етакчи вендинг ассоциациялари билан ҳамкорликда ўтказиладиган Халқаро Vending Industry дунёдаги энг йирик ва нуфузли халқаро кўргазмалардан бири ҳисобланади.
Унда Ўзбекистон вендинг ассоцияцияси "УзВEНД" делегацияси ҳам иштирок этди. Кўргазма Ўзбекистон ва минтақа учун алоҳида аҳамиятга эга, чунки у савдо ва автоматлаштирилган савдони ривожлантиришга бағишланган дунёдаги энг йирик ва энг муҳим кўргазма ҳисобланади.
Ўзбекистон президентининг 2021 йилдаги “Ўзбекистонда вендинқни қўллаб-қувватлаш тўғрисида”ги қарори қисқа муддатда автоматик савдо (вендинг) соҳаси муваффақиятли ривожланишига олиб келди.
Тадбир очилиш маросимида Ўзбекистон "УзВEНД" ассоциациясини раиси Азизхон Йўлдошхонов Ўзбекистон ва Марказий Осиё давлатлари номидан қутлов нутқи сўзлаб, минтақада вендинг ва автоматлаштирилган савдони ривожлантириш муҳимлигини таъкидлади. Вакилларимиз шунингдек, автоматлаштирилган савдо соҳасидаги энг яхши компанияларни тақдирлаш маросимида иштирок этди.
Кўргазманинг муҳим воқеалари қаторида вендинг ассоциациялари ўртасида ўзаро ҳамкорлик тўғрисидаги меморандум имзоланди. Таъкидлаш лозим, вендинг саноати ривожига қўшган юксак хизматлари эътироф этилган ҳолда Марказий Осиёдан келган халқаро маслаҳатчи, эксперт кенгаши аъзоси Азизхон Йўлдошхоновга тантанали равишда махсус диплом ва кўкрак нишони топширилди.
