Наманганда маҳкум ўз жонига қасд қилди
2000 йилда туғилган шахс ишлаб чиқариш цехида мазкур ҳаракатни содир этган.
Наманган вилояти Поп туманида қамоқхона маҳкумининг жасади топилди. Бош прокуратура маълумотига кўра, у ўз жонига қасд қилган.
23 май куни Наманган вилоятидаги жазони ижро этиш муассасасида жазо ўтаётган 2000 йилда туғилган маҳкум ишлаб чиқариш цехи худудида ўзини-ўзи осиб, вафот этган. У Жиноят кодексининг 273-моддаси 5-қисми "Гиёвандлик воситалари, уларнинг аналоглари ёки психотроп моддаларни кўп миқдорда қонунга хилоф равишда сотиш" билан судланган.
Мурдани кўздан кечириш давомида бўйин соҳасида странгуляцион эгатдан ташқари бошқа тан жароҳатлари аниқланмаган.
Ҳолат юзасидан Поп тумани прокуратураси томонидан терговга қадар текшириш ҳаракатлари ўтказилмоқда.
"Текшириш ҳаракатлари ҳар томонлама, тўлиқ ва холисона ўтказилиши ва натижаси бўйича қонуний қарор қабул қилиниши таъминланади" дейилади Бош прокуратура хабарида.
