Блинкен: Раисий вафотидан кейин Эрон халқи ўзини яхшироқ ҳис қилмоқда

AҚШ Давлат департаменти раҳбари яқинда Эронда рўй берган воқеаларга “Раисий вафотидан кейин Эрон халқи ўзини яхшироқ ҳис қилмоқда” дея муносабат билдирди.

Давлат котиби Энтони Блинкен Сенатнинг Халқаро муносабатлар қўмитаси тингловларидан бирида сўзлаган нутқида шундай деган. 

“Унинг (Раисийнинг) судя сифатида ва президент лавозимида бўлган пайтида дахлдор бўлган даҳшатли қилмишлар инобатга олинса, унинг Эрон халқига бошқа дахлдор бўла олмаслиги, катта эҳтимол билан, яхши бўлди”, деган Блинкен. 

Бундан аввалроқ, AҚШ Сенатида Демократик кўпчилик етакчиси Шумер, разведка идоралари унга Эрон президенти Раисий вертолёти ҳалокатга учраганида "ҳеч қандай “ифлос” ўйин рўй берганининг исботи йўқлиги”ни маълум қилганини айтган эди. 

Расмий Вашингтон эса Эрон президентининг вафоти муносабати билан ҳамдардлик билдирган. "Қўшма Штатлар Эроннинг шимоли-ғарбий қисмида рўй берган вертолёт ҳалокатида Эрон президенти Раисий, ташқи ишлар вазири Aбдуллоҳиён ва бошқа делегация аъзоларининг ҳалок бўлиши муносабати билан расман ҳамдардлик билдиради", дейилган AҚШ Давлат департаменти баёнотида.