"Иссиқлик электр станциялари" АЖ раисига биринчи ўринбосар тайинланди
Аввалги биринчи ўринбосар Сардор Исақулов Паркент туманига ҳоким бўлганди.
Жамият
20 май, 14:55
Ахунов Озод Одилович — "Иссиқлик электр станциялари" АЖ бошқаруви раисининг биринчи ўринбосари этиб тайинланди.
Озод Ахунов бунга қадар Энергетика вазирлигининг Электр энергиясини ишлаб чиқариш бўлими бошлиғи лавозимида фаолият юритиб келаётган эди.
Эслатиб ўтамиз, “Иссиқлик электр станциялари” АЖ бошқаруви раисининг ишлаб чиқариш, маҳаллийлаштириш, кооперацион алоқаларни кенгайтириш бўйича биринчи ўринбосари Исақулов Сардор Дадажонович Паркент туманига хоким этиб тайинланганди. У собиқ ҳоким Шоҳруҳ Шоаҳмедов ўрнини эгаллаган. Ушбу тайинлов 2024 йил 8 апрел куни амалга оширилган.
