Тошкентда тарихий сурат рекорд нархга сотилди
Ундан тушган маблағга онкологик бемор болалар учун янги электрокоагулятор сотиб олинади.
Тошкентда тарихий сурат рекорд нарх - 45 миллон сўмга сотилди. Бу ҳақда журналист Аброр Зоҳидов маълум қилди.
100 минг сўмга баҳолаб, кимошдига қўйилган сурат 45 млн сўмга сотилди.
У тадбиркор Бекзод Маматқулов томонидан харид қилинди. Тушган маблағ "Сен кучлисан" лойиҳаси доирасида болалар онкологияси шифохонасига зарур ускуна харид қилиш учун йўналтирилади.
Номаълум рассомнинг номаълум картинаси аваал ҳам бир неча марта аукционларда сотилган ва қайта ҳадя этилган. Охирги марта 2023 йилда “Эрудит” ижодий маркази томонидан 8 млн сўмга харид қилинди ва сурат уларга бутунлай топширилган. Аммо кейинчалик сурат яна қайта ҳадя қилинган. Маълумотларга кўра, сурат 62 йиллик тарихга эга.
