Қирғиз-тожик чегарасида отишма содир бўлди
Тасдиқланмаган маълумотларга кўра, Тожикистон фуқароларидан бири оёғидан яраланган бўлиши мумкин.
Қирғиз-тожик чегарасида яна отишма содир бўлгани хабар берилди.
24.kg Қирғизистон Миллий хавфсизлик давлат қўмитасига асосланиб ёзганидек, 7 май куни тушдан кейин Баткен вилоятининг Оқ-Босого қишлоғи яқинида Қирғизистон чегара хизмати Тожикистон фуқаролари Қирғизистон ҳудудида чорва молларини боқиб юрган 250 нафар чўпонни пайқаб қолган. Чўпонлар мол боқаётган ҳудуд давлат чегара чизиғидан 300 метрни ташкил этган. Чўпонлар чегарачиларнинг ҳудудни тарк этиш талабига эътибор бермаган.
"Чўпонлардан бири чегарачи томон бир неча марта ўқ узган, вазият кескинлашувининг олдини олиш мақсадида Қирғизистон чегарачилари ҳавога огоҳлантирувчи ўқ узган, шундан сўнг чўпонлар Тожикистон ҳудудига қочиб кетишган", — дейилади хабарда.
Чегарачилар жабрланмаган. Тасдиқланмаган маълумотларга кўра, Тожикистон фуқароларидан бири оёғидан яраланган бўлиши мумкин. Томонлар чегара вакилларининг учрашуви кутилмоқда.
