Наманган вилояти ҳокими туманлардан бирига 3,5 млрд. сўм ажратди

Наманган вилояти ҳокими Шавкат Абдураззоқовнинг маблағ ажратиш бўйича фармойиши эълон қилинди. Унга кўра, 3 млрд. 561 млн. сўмдан ошиқроқ маблағ Учқўрғон тумани учун ажратилади.

Маблағ вилоят ҳокимлиги ҳузуридаги "Жисмоний ва юридик шахсларга етказилган мулкий зарарларни компенсация қилиш бўйича мақсадли жамғарма" ҳисобидан ажратилади. Ҳужжат мазмунига кўра, мазкур маблағлар жамоат эҳтиёжлари учун олиб қўйилган ер участкалари эгаларига компенсация тўлаш мақсадида сарфлашини мумкин. 

Учқўрғон тумани ҳокимлиги мазкур пулларни сарфлаш бўйича тегишли фармойишларни қабул қилади.

Аввалроқ  йўллар ва масжид таъмири учун Халқ депутатлари Андижон вилояти кенгашининг қарори билан жами 2,5 млрд. сўм ажратилиши белгиланганди.