Қашқадарё ва Самарқандда солиқ раҳбарлари тайинланди
Жумладан, Самарқанд солиқ бошқармаси раҳбари Қашқадарёга ўтказилган.
Қашқадарё ва Самарқандда солиқ раҳбарлари тайинланди. Бу ҳақда ДСҚ матбуот хизмати хабар берди.
Эшматов Сирожиддин Тоғаймуродович Қашқадарё вилояти солиқ бошқармаси бошлиғи этиб тайинланди.
Сирожиддин Эшматов тайинловга қадар Самарқанд вилояти солиқ бошқармаси бошлиғи лавозимида ишлаб келаётган эди.
Сирожиддин Эшматов 1971 йил Қашқадарё вилоятида туғилган. Маълумоти олий. У 1991 йилда Тошкент халқ хўжалиги институтини, 1999 йилда Ўзбекистон Республикаси Президенти ҳузуридаги Давлат ва жамият қурилиши академиясини тамомлаган.
Толлиев Элёр Мусурманович Самарқанд вилоят солиқ бошқармаси бошлиғи лавозимига тайинланди.
Элёр Толлиев 1983 йил Самарқанд вилоятида туғилган. Маълумоти олий. У 2004 йилда Самарқанд қишлоқ хўжалиги институтини, 2020 йилда Ўзбекистон Республикаси Президенти ҳузуридаги Давлат ва жамият қурилиши академиясини тамомлаган
Элёр Толлиев мазкур тайинловга қадар Ургут тумани давлат солиқ инспекцияси бошлиғи лавозимида фаолият олиб борган.
