Фарғона шаҳар ҳокими бюджетдан ярим миллиард сўмга яқин ажратди
Мазкур қарор шаҳарда барпо этилаётган "Экошаҳар" лойиҳаси билан боғлиқ.
Жамият
12 апрель, 9:55
Фарғона шаҳар ҳокими Восилжон Назаров айрим харажатлар учун 450 миллион сўм ажратди.
Фармойишга кўра, мазкур маблағ шаҳарда барпо этилаётган "Экошаҳар"ни зарур инфратузилма билан таъминлашда учун суғориш тармоқларини жорий қилиш учун ва қудуқлар насос агрегатларини янгилаш билан боғлиқ харажатларга сарфланади. Жумладан, 300 млн. сўм суғориш тизими учун, 150 млн. сўм эса насос агрегатлари учун ажратилади.
Пуллар 2024 йил бюджетининг бошида шаклланган эркин қолдиқлар ҳисобидан Фарғона шаҳар Ободонлаштириш бошқармасига берилади.
Фармойиш ижросини назоратга олиш шаҳар ҳокимининг биринчи ўринбосари Б. Мўминов зиммасига юкланган
