Сўнгги 80 йилдаги энг йирик табиий офат: Қозоғистонда минглаб уй ва биноларни сув босди

Қозоғистоннинг етти вилоятида сел сувлари 5,5 мингдан ортиқ уй ва биноларни сув босди, деб хабар берди якшанба куни Фавқулодда вазиятлар вазирлиги матбуот хизмати.

"Ақмола, Ақтўбе, Атирау, Қўстанай, Павлодар, Шимолий Қозоғистон ва Ғарбий Қозоғистон вилоятларида 3702 та хусусий турар-жой бинолари, 562 та ҳовлилар майдони, 1822 та қишлоқ уйлари ва 73 та турли мақсадлардаги бинолар сув остида қолмоқда, 155 та автомобиль йўлларининг тошқинлари қайд этилди", - дейилади вазирлик хабарида.

Департамент маълумотларига кўра, сув тошқини зоналаридан 72 284 киши, жумладан 17 217 нафар болалар қутқарилган ва эвакуация қилинган. Уйлари сув остида қолган 14 430 нафар қозоғистонлик вақтинчалик жойлаштириш марказларида. Йўлларнинг емирилиши оқибатида 61 та аҳоли пункти транспорт алоқасидан маҳрум бўлиб қолган, деб хабар қилмоқда вазирлик.

"Қозоғистондаги сув тошқинлари миқёси ва оқибатлари бўйича сўнгги 80 йилдаги энг йирик табиий офатга айланди", деди президент Қосим-Жўмарт Тўқаев фуқароларга мурожаатида. У ҳозирги вазиятни "кўп йиллар давомида кузатилмаган" табиий офат деб атади.

Мамлакатнинг ўнта вилоятида, жумладан Қозоғистон ғарбидаги Атирау вилоятида маҳаллий фавқулодда ҳолат эълон қилинди.

Тўқаевнинг аниқлик киритишича, унинг кўрсатмасидан кейин ҳукумат сув тошқини оқибатларини камайтириш бўйича саъйи-ҳаракатларни кучайтирган. Қозоғистон Бош вазири бошчилигида республика штаб-квартираси тузилди. Президент табиий офатларга қарши курашиш учун Фавқулодда вазиятлар вазирлигининг барча имкониятлари, шунингдек, Ички ишлар вазирлиги, Миллий гвардия, Қуролли кучлар, Давлат миллий хавфсизлик қўмитаси кучлари сафарбар этилганини алоҳида таъкидлади.

"Вазият қийин, аммо умидсизликка тушмаслик керак, биз бу вазиятни тузатамиз.Тошқиндан жабр кўрган фуқароларга мурожаат қилиб, шуни айтмоқчиманки, ҳеч бирингиз давлат эътиборидан четда қолмайди, барчангизга моддий ва бошқа зарур ёрдам кўрсатилади", — дея тушунтирди у.

Шунингдек, Россиянинг Оренгбург вилоятида ҳам кучли тошқинлари давом этмоқда.