Ўн йил аввал қамалган ИИББ ходими оқланди

2014 йилда пора олишда айбланиб, уч йилга қамалган ИИББ ППХ ходими оқланди. Бу ҳақда Тошкент шаҳар суди жиноят ишлари бўйича судлов ҳайъатининг кассация инстанциясининг ҳукмида маълум қилинган. Суд ҳукми Platina.uz`да мавжуд.

Маълум бўлишича, И.Х Тошкент шаҳар ИИББ ППХ бригадаси 1-батальон 2-отряд милиционери лавозимида ишлаган. У ЖК 210-моддаси 2-қисмининг “г” банди билан ЖКнинг 45 ва 57-моддаларини қўллаб, 3 йил ички ишлар идоралари тизимида ва мансабдорлик билан боғлиқ лавозимларда ишлаш ҳуқуқидан маҳрум қилган ҳолда 3 йил озодликдан маҳрум қилиш жазосига судланиб, тайинланган жазони умумий тартибли колонияларда ўтаттириш белгиланган.

Суд ҳукмида И.Х 2013 йил ноябрида шериги билан қоидани бузган ҳайдовчидан 1,5 млн. сўм талаб қилиб, 700 минг сўм олгани ва 350 минг сўмдан бўлишиб олгани айтилган. Лекин биринчи инстансия гувоҳлар кўрсатувларини ишончлилик эканлигини тасдиқловчи бошқа далилларни аниқлаш чораларини кўрмасдан, маҳкум И.Хасановни айбли деб топиб, барвақт хулосага келган.Бундан ташқари И.Х хизмат вазифасига жамоат тартибини сақлаш учун масъул бўлиб, бунда унинг хизмат вазифаларига автоуловларни тўхтатиш, ҳайдовчиларга нисбатан маъмурий ҳуқуқбузарлик тўғрисидаги баённомаларни расмийлаштириш ёки автоуловларни жарима майдончасига жойлаштириш кирмаган. Шунингдек, ҳодиса содир бўлган куни жарима майдонига машинаТ.Қурбонов томонидан бошқариб борилиб, айнан унинг томонидан ҳужжатлар расмийлаштирилиб, ушбу ҳолатда И.Хасановнинг иштироки бўлганлигини тасдиқловчи ишончга сазовор ва рад этиб бўлмайдиган далиллар аниқланмаган. Гувоҳ А.Юлдашевнинг кўрсатувларига мувофиқ, ундан 1.500.000 сўм пулларни айнан И.Хасанов сўрамаган ва олмаганлиги аниқланди.

Суд ҳукмига кўра, жиноят ишининг И.Х.га оид қисми ЖПК 83-моддаси 1-қисмининг 2 ва 3-бандларига асосан тугатилди ва жиноят ишига унинг алоқаси бўлмагани сабаб оқланди.