Когон туманига ҳоким тайинланди
Аввалги ҳоким Муҳиддин Эсанов соғлиги ёмонлашганлиги сабабли лавозимидан озод этилди.
Жамият
13 март, 12:45
Отабек Қазоқов Бухоро вилоятининг Когон тумани ҳокими лавозимига тайинланди. Бунгача у “Ғиждувон” эркин иқтисодий зонаси директори лавозимида ишлаб келган.
Тайинлов Халқ депутатлари Когон тумани Кенгашининг навбатдан ташқари сессиясида амалга оширилди.
Туманнинг аввалги ҳокими Муҳиддин Эсанов соғлиги ёмонлашганлиги сабабли лавозимидан озод этилди.
Таъкидлаш керакки, Муҳиддин Эсанов биринчи президент Ислом Каримов даврида, 2011-2016 йилларда Бухоро вилоятида ҳам раҳбарлик қилган. Бир муддат Бухоро туманини ҳам бошқарган.
2020 йил март ойидан буён Когон туманини бошқариб келаётганди.
