Хоразмда 12 мингдан ошиқ истеъмолчи электрсиз қолди

Ҳудудда кучли ёмғир ёғиши ва шамол кузатилмоқда. 

Жамият
11 март, 14:17
Хоразмда 12 мингдан ошиқ истеъмолчи электрсиз қолди

Хоразмда 12 мингдан ошиқ истеъмолчилар ва саноат корхоналари электрдан узилиб қолди. Энергетика вазирлиги ҳолатни тасдиқлади. 

Айтилишича,  соат 12:15 да Хоразм вилоятида юз бераётган кучли ёмғир оқибатида 6-10 кВли 41 та электр узатиш тармоғи 78 МВт қувват билан авариявий ўчган.

Бунинг натижасида Ҳазорасп, Боғот, Хонқа, Қўшкўпир ва Янгиариқ туманлари истеъмолчилари қисман (12 минг 500 та) ва кичик ишлаб чиқариш саноат корхоналари электр таъминотидан узилган.

Ҳозирги вақтда ноқулай об-ҳаво (кучли ёмғир ва шамол) шароитига қарамай, махсус бригадалар томонидан ушбу носозлик бартараф этилмоқда, дейилади хабарда.

Аввалроқ Энергетика вазирлиги ҳаво ҳарорати кўтарилиши фонида метан заправкалари очилишини айтганди

© 2024 Platina.uz. Барча ҳуқуқлар ҳимояланган. «Platina.uz» сайтида жойланган маълумотлар муаллифнинг шахсий фикри. Сайтда жойланган ҳар қандай материаллардан ёзма рухсатсиз фойдаланиш тақиқланади.
Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги томонидан 02.12.2022 санасида №051412 сонли гувоҳнома билан ОАВ сифатида рўйхатга олинган.
Platina.uz сайтида реклама жойлаштириш масаласида +998 97 022 01 10 телефон рақамига (Telegram: Platina PR) мурожаат қилинг. Таҳририят билан алоқа: info@platina.uz
18+