Техник жиҳатдан тартибга солиш агентлигига директор тайинланди

Ўзбекистон Президентининг қарори билан Акмал Рўзиқулович Жуманазаров Ўзбекистон техник жиҳатдан тартибга солиш агентлиги директори лавозимига тайинланди.

Шу муносабат билан у Энергетика вазирининг ўринбосари лавозимидан озод этилди.

Акмал Жуманазаров 2023 йил февралида Энергетика вазири ўринбосари этиб тайинланганди. У вазирликда электроэнергетика ва кўмир саноати масалалари учун масъул эди.

Бундан ташқари у Вазирлар Маҳкамаси Геология, энергетика, саноат ва унинг асосий тармоқларини ривожлантириш бошқармаси бошлиғи лавозимида ишлаган.