platina.uz

Избосканда 24 фуқаронинг мулки бузилади

Ушбу қарорга автомобил йўлини кенгайтириш сабаб сифатида келтирилган. 

Жамият
1 февраль 2024 йил
Избосканда 24 фуқаронинг мулки бузилади

Халқ депутатлари Андижон вилояти кенгаши қарори билан Избоскан туманидаги 24 фуқаронинг мулки бузилади. Бунга Наманган-Ҳаққулобод -Пойтуғ-Лўғимбек-Янгиқишлоқ автомобил йўлини кенгайтириш сабаб қилиб кўрсатилган.

Эндиликда ушбу йўл кенгайтирилади, пиёдалар ўтиш жойлар ва ирригация тизимлари, тунги ёритиш тармоқлари ўрнатилади.

Қарорда айтилишича, Мирзо Улуғбек МФЙ Шифокорлар ва Янгибозор кўчаларида жойлашган уйлар олиб қўйилади.

Шунингдек, фуқаролар билан мулкни олиб қўйиш бўйича очиқ муҳокама ўтказилиб, 24 та мулкдордан дастлабки розилик хати олинган ва бу ҳақда баённома расмийлаштирилган.

Қарорда бузиладиган мулклар ва эгалари рўйхати тўлиқ тақдим этилган. Мулклар бўшатилгандан сўнг, 4 ой давомида қурилиш ишлари олиб борилади.

Шунингдек, Избоскан тумани ҳокимлиги ва мулкдорлар компенсация ва бошқа масалаларни ўзаро нотариал тартибда расмийлаштириши белгиланган.

© 2025 Platina.uz. Барча ҳуқуқлар ҳимояланган. «Platina.uz» сайтида жойланган маълумотлар муаллифнинг шахсий фикри. Сайтда жойланган ҳар қандай материаллардан ёзма рухсатсиз фойдаланиш тақиқланади.
Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги томонидан 02.12.2022 санасида №051412 сонли гувоҳнома билан ОАВ сифатида рўйхатга олинган.
Platina.uz сайтида реклама жойлаштириш масаласида +998 97 022 01 10 телефон рақамига (Telegram: Platina PR) мурожаат қилинг. Таҳририят билан алоқа: info@platina.uz
18+