Лондонда пичоқбозликка қарши кампания бошланди
Таниқли актёр Идрис Элба ҳам ушбу флешмобга қўшилиб, ҳукуматни мачете ва ханжарларни тақиқлашга чақирди.
Таниқли актёр Идрис Элба Британия ҳукуматини ёшларнинг пичоқбозлик қурбони бўлишини тўхтатиш учун мачете ва тишли "зомби" пичоқларини тақиқлашга чақирмоқда.
Лондонда туғилган машҳур юлдуз Парламент биноси ташқарисида "Келажагингни тўхтатма" акциясида намойишчилар билан бирга, пичоқланганларнинг кийим ва пойабзаллари билан суратга тушди.
Қурол назорати бўйича қатъий қонунларга эга Буюк Британияда ҳар 10 қотилликдан тўрттаси пичоқ ёки ўткир асбоб билан боғлиқ. Британия шаҳарларидаги ёшлар иштирокидаги пичоқбозлик билан боғлиқ жиноятлар айниқса ташвишли тус олмоқда.
Лондонда 2023 йилда 21 нафар ўсмир ҳалок бўлган, улардан 18 нафари пичоқлаб ўлдирилган.
"Мен жим туролмайман, чунки бу шафқатсиз жиноятлар туфайли кўпроқ ёш ҳаёт қурбон бўлади", дейди Элба.
"Мактаб бошланиши билан жуда кўп ёшлар ўз синфдошларига бир умрга қўшилмайдилар ва жуда кўп оилалар севган фарзандларини йўқотдилар" дея нутқини якунлаган актёр.
