Япон олими ўзбек тили бўйича янги дарслик чиқарди
Китоб лотин алифбосида чоп этилган.
Японияда ўзбек тили бўйича янги қўлланма чоп этилди. Лотин ёзувида чиқарилган 160 саҳифадан иборат китоб ўзбек тилининг грамматикасини ўз ичига олган 20 та кириш дарсидан иборат.
Дарслик муаллифи Токио чет тиллар университети ходими Хидака Синсуке саналади. Унинг фикрича, ўқувчилар дарсликдаги барча дарсларни тугатгандан сўнг, улар Ўзбекистонга таржимонсиз саёҳат қилишлари ва бизнес ташрифларини амалга оширишлари мумкин.
Оғзаки нутқ кўникмаларини ривожлантириш учун эса Синсуке аудио дарсларни тайёрлади.
Ушбу нашр яқин кунларда, яъни 29 январда сотувга чиқарилади.
Маълумот учун, Хидака Синсуке 2007 йилдан бери ўзбек тилини ўрганмоқда. 2014-2016 йилларда Ўзбекистон фанлар Aкадемиясида илмий тадқиқотлар олиб борган, Ўзбекистон давлат жаҳон тиллари университети ва "Ўзбекистон-Япония" марказида япон тилидан дарс берган.
