Ўзбекистон ва Россия газ экспорти ҳажмини кўпайтиришни муҳокама қилмоқда

Россия Ўзбекистон ва Қозоғистон билан табиий газ етказиб бериш ҳажмини ошириш масаласини муҳокама қилмоқда, дейди РФ энергетика вазирининг биринчи ўринбосари Павел Сорокин.

“Газпром" аллақачон ушбу мамлакатларга газ етказиб бериш шартномаларга эга. Таъминот ҳажмини ошириш ҳақиқатан ҳам муҳокама қилинмоқда ва биринчи натижалар аллақачон мавжуд", — деди Сорокин "Российская газета"га берган интервюсида.

Унинг фикрича, Марказий Осиё орқали Хитойга газ транзити ҳақида гапиришга ҳали эрта. Шу билан бирга, инфратузилмани кенгайтириш ва газ алоқаларини чуқурлаштириш барчага фойда келтиради, деди у.

Марказий Осиё давлатлари газга бўлган талабнинг энг юқори даврларини кафолатлай олади ва экспорт шартнома мажбуриятларини бажара олади, дея қўшимча қилди вазирнинг биринчи ўринбосари.

Эслатиб ўтамиз, 16 июн куни Ўзбекистон энергетика вазири Жўрабек Мирзамахмудов ва “Газпром” раҳбари Aлексей Миллер ўртасида шартнома имзоланди, унга кўра Россия газини Ўзбекистонга 2023 йилнинг тўртинчи чорагида етказиб бериш бошланади. У 2 йил муддатга мўлжалланган бўлиб, йилига 2,8 миллиард куб метр газ етказиб беришни назарда тутади.

Аввалроқ, Қозоғистоннинг "QazaqGaz" компанияси 2023 йил октябридан транзит тарзда Россиядан Ўзбекистонга газ экспорт қилишни бошлаши маълум қилинганди.

Шунингдек, Ўзбекистон Туркманистон билан йилига 2 млрд. куб метргача табиий газ етказиб бериш бўйича қисқа муддатли шартнома имзолаган. Бу ҳақда Энергетика вазири Жўрабек Мирзамаҳмудов август ойида ОАВга маълум қилганди.