"Ташаббусли бюджет"нинг 2-мавсуми қачон бошланиши маълум бўлди
Биринчи мавсум 2023 йил апрел ойида якунланганди.
Иқтисод
14 июль 2023 йил
"Ташаббусли бюджет" жараёнининг жорий йилги 2-мавсуми 17 июлдан бошланади.
Бу мавсум учун туман (шаҳар) бюджетлари ҳисобидан 1 трлн. сўмдан ортиқ маблағ йўналтирилиши кутилмоқда. Бу ҳақда Иқтисодиёт ва молия вазирлиги хабар берди.
- 1-босқич — фуқаролар томонидан лойиҳаларни шакллантириш жараёнлари 17 июлдан 6 августгача;
- 2-босқич — лойиҳаларни махсус комиссия томонидан саралаб олиш жараёнлари 6 августдан 26 августгача;
- 3️-босқич — лойиҳаларга овоз бериш жараёнлари 26 августдан 15 сентябргача ўтказилади.
Эслатиб ўтамиз, “Ташаббусли бюджет” лойиҳасининг 2023 йил 1-мавсуми апрел ойида якунланганди. Унда Ўзбекистон бўйлаб “Open Budjet” портали орқали 33 680 та ташаббус учун 16 миллиондан ортиқ овоз берилди ва 1666 та лойиҳа ғолиб деб топилди.
Телеграмда кузатиб боринг!