Рус-украин урушидан кейин ўзбек банкларида ҳисобрақам очиш кескин кўпайди

Россия - Украина уруши бошлангандан буён 60 мингдан ортиқ норезидентлар ўзбек банкларида ҳисобварақлар очган. Уларнинг маблағлари 892 млн.долларни ташкил этмоқда.

Олий Мажлиснинг 41-ялпи мажлисида Марказий банк раиси Мамаризо Нурмуратов ҳам ўз ҳисоботи билан чиқиш қилди.

МБ раисининг таъкидлашича, ҳисобот даврида Ўзбекистон банкларидаги депозитлар тизимида ўзгаришлар кузатилган. Аҳолининг умумий омонатлари 1,7 баробарга ошган. Бу эса валютадаги муддатли омонатларда камайишига сабаб бўлган.

Шунингдек, Нурмуратовнинг айтишича, ҳозирда аҳолининг қўлида қарийб 12 млрд АҚШ доллари бор.

"Биз ҳозир буларнинг ҳаммасини жалб қила олмаймиз. Лекин юқорида айтилганидек, одамлар долларларини сўмга алмаштириб муддатли депозитларга қўйишни бошлаган ва бу биз учун қувончли ҳол" – дей Марказий банк раиси.

Бу жами чакана депозитларнинг (6 млрд.доллар) қарийб 15 фоизи дегани маълум қилинди.