АҚШ ҳукумати Ўзбекистоннинг расво йўлларидан огоҳлантирди

Ёзилишича, одамлар автоҳалокатларга бефарқ эмас ва тезкорлик билан масъулларга хабар беришади, бироқ полиция дарҳол етиб келмаслиги мумкин.

Жамият
10 июнь 2023 йил
АҚШ ҳукумати Ўзбекистоннинг расво йўлларидан огоҳлантирди

АҚШ давлат департаменти Ўзбекистон йўлларида ҳаракатланиш хавфли эканидан сайёҳларни огоҳлантирган. Ҳисоботда йўлларда ҳаракатланиш нима учун хавфли экани келтирилган.

"Тошкентда марказий йўллар нисбатан яхши таъмирланган бўлса-да, ундаги кичик ва шаҳар ташқарисидаги йўллар ёмон аҳволда. Қишлоқ ёки тоғли ҳудуд йўлларида эҳтиёт бўлишингиз керак", дейилади ҳисоботда.

Айтилишича, кечаси автомобиль бошқариш хавфли, чунки фақат катта шаҳар кўчаларида чироқлар бор, қишлоқ йўллари ёритилмайди. Ёқилғи қуйиш шохобчалари тез-тез учрамайди ва Тошкентдан ташқарида қўшимча бензин топиш қийинчилик туғдириши мумкин.

"Вилоят йўлларида ёритгичлар йўқ ва чорва моллари, қишлоқ хўжалиги техникалари ҳамда арава тортилган ҳайвонлар исталган пайтда дуч келиши мумкин. Ҳайдовчилар бошқарув техникасини яхши билишмайди, кўпинча светофор ва йўл белгиларига эътибор бермасдан юқори тезликда тартибсиз ҳаракатланишади. Пиёдалар эса одатда махсус йўлакчани қидириб ўтирмасдан, йўлнинг исталган еридан кесиб ўтишади", дея ёзилган.

АҚШ масъулларининг айтишича, одамлар автоҳалокатларга бефарқ эмас ва тезкорлик билан масъулларга хабар беришади, бироқ полиция дарҳол етиб келмаслиги мумкин.

© 2023 Platina.uz. Барча ҳуқуқлар ҳимояланган. «Platina.uz» сайтида жойланган маълумотлар муаллифнинг шахсий фикри. Сайтда жойланган ҳар қандай материаллардан ёзма рухсатсиз фойдаланиш тақиқланади.
Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги томонидан 02.12.2022 санасида №051412 сонли гувоҳнома билан ОАВ сифатида рўйхатга олинган.
Platina.uz сайтида реклама жойлаштириш масаласида +998 97 022 01 10 телефон рақамига (Telegram: Platina PR) мурожаат қилинг. Таҳририят билан алоқа: info@platina.uz
18+