Алишер Усмоновга алоқадор “Оҳангаронцемент” АҚШ санкциясига учради

АҚШ молия вазирлигининг Чет эл активларини назорат қилиш бошқармаси (OFAC) янги санкциялар рўйхатига киритилган Akkermann Cement CA билан операцияларни 11 июлгача тугатиш талабини қўйди.

АҚШ ҳукуматининг янги санкциялар пакетидан россиялик миллиардер Алишер Усмоновга қарашли USM ҳолдинги ҳамда унинг таркибидаги "Металлоинвест", "Мегафон" компанияларига қарши чекловлар ҳам жой олган.

2021 йил май ойида Кипрнинг Lamanka Enterprises компанияси "Оҳангаронцемент" заводи устав капиталидаги 84,197 фоиз улушни сотиб олган, битим суммаси 557,6 миллиард сўмга баҳоланган эди. 2022 йил январь ойида Британия Виржиния оролларининг Giacinttar ва Lamanka Enterprises компаниялари "Оҳангаронцемент"даги улушларини 1,88 триллион сўмга сотган. Кейинчалик харидор Akkermann Cement CA экани маълум бўлган.