Экология Чодакдаги заҳарли сув бўйича чора кўриш учун сўров юборди

Сайтимизда Олмалиқ тоғ-кон металлургия комбинати Чодаккон бошқармаси фаолиятидан ҳосил бўлаётган заҳарли оқова сувлар аҳоли ичадиган Чодаксойга қуйилаётгани ҳақида ёзиб чиққандик.

Наманган вилояти экология бошқармасининг хабар беришича, Чодаккон ҳудудидан ўтган сув қувури носозлиги, тешилиб қолганини (ёки атай очиқ қолдирилгани суратда кўриниб турибди) аниқлашган.

Сув қувурини ямаб ёпишган, Чодаккон бошқармаси мутасаддиларига тушунтиришлар берилган.

Вилоят бошқармаси биз билан боғланиб, бу иш бўйича айбдорларга чора кўриш учун тегишли идораларга сўров юборилганини маълум қилди.