Бухоро ҳокимлиги 443 миллион сўмга электромобил сотиб олади

Бухоро вилояти ҳокими Ботир Зариповнинг фармойиши билан 443 миллион сўмга ҳокимлик учун бир дона электромобил сотиб олинади.

Маблағ вилоят ҳокимлигининг ривожлантириш жамғармаси ҳисобидан сотиб олинади.

Умуман олганда, Бухородаги ижтимоий-иқтисодий тадбирлар учун 1 млрд. 83 млн. сўм ажратилади.

Ушбу маблағдан Бухоро шаҳридаги уйларга шифер маҳсулотини харид қилиш учун 50 миллион сўм, "Маънавият ва маърифат" масканларини жиҳозлаш учун 300 миллион сўм, электромобил учун 443 млн. сўм, вилоят ҳокимлиги харажатларини қоплаш учун 290 млн. сўм берилади.

Эслатиб ўтамиз, аввалроқ Фарғонада спортчилар учун бир миллиард сўмдан ошиқ пул берилганди.

Шунингдек, вилоят ҳокимлари қандай машиналарда юриши бўйича ҳам материал эълон қилинганди.