Чирчиқда маҳбус ўзини осиб қўйди
Ҳозирда ҳолат юзасидан прокуратура терговга қадар текширув ўтказмоқда.
1 декабр куни соат тунги 02.30 ларда ҳибсхонада сақланаётган A.Ў. камерадаги ёпинчиқ чойшабдан сиртмоқ ясаб, камера ойначасининг темир панжарасига ўзини осиб қўйди.
Тошкент вилояти ИИББ хабарига кўра, 2001 йилда туғилган фуқаро Жиноят кодексининг 169-моддаси 3-қисми “в” банди (ўғрилик, кўп миқдорда) ва 168-моддаси 3-қисми “б” банди (фирибгарлик, такроран ёки хавфли рецидивист томонидан) билан қўзғатилган жиноят ишида айбланган.
Тергов давомида у муқаддам ЖКнинг 164-моддаси 2 қисми “а” банди (босқинчилик, қурол ёки қурол сифатида фойдаланиш мумкин бўлган бошқа нарсаларни ишлатиб) билан судлангани инобатга олиниб, қамоққа олиш эҳтиёт чораси қўлланилди.
Суд-тиббиёт экспертизасининг дастлабки хулосасига кўра, марҳумнинг ўлими бўйин қисми сиртмоқ билан сиқилиши натижасида келиб чиққан механик асфиксия оқибатида юз бергани аниқланган.
Ҳозирда ҳолат юзасидан прокуратура терговга қадар текширув ўтказмоқда.
