Олмаотада фожиа: 13 киши ёнғин қурбонига айланди
Маълумотларга кўра, ертўла ётоқхона сифатида фойдаланиб келинаётган бўлган.
Бугун, 30 ноябр куни эрта тонгда Қозоғистоннинг Олмаота шаҳрида фожиа юз берди - ётоқхонадаги ёнғин сабаб 13 киши вафот этди.
Яна 2 киши шифохонага ётқизилган. Ҳодиса жойига фавқулодда вазиятлар вазири, шаҳар ҳокими етиб келган, қутқарувчилар ишламоқда. Ҳалок бўлганлар ичида аёллар ва болалар йўқлиги айтиляпти.
Қозоғистон Фавқулодда вазиятлар вазирлиги аввалроқ хабар берганидек, ёнғин вақтида ётоқхонада 72 киши бўлган. Уларнинг аксарияти эвакуация қилинган.
Маълумотларга кўра, шу вақтга қадар ертўладан ноқонуний равишда ётоқхона сифатида фойдаланиб келинган.
Эслатиб ўтамиз, октябр ойи охирида Қозоғистондаги Костенко конидаги портлашда ҳам ўнлаб кончилар ҳалок бўлган, мамлакатда мотам эълон қилинганди.
