Шавкат Умрзоқов ободонлаштиришга пул ажратди

Тошкент шаҳар ҳокими Шавкат Умрзоқовнинг қарори билан маҳаллий бюджетдан Ободонлаштириш бош бошқармаси тизимидаги ихтисослаштирилган бошқармаларга 3 млрд. 152 млн. сўм маблағ ажратилди.

Ушбу маблағ кўкаламзорлаштириш ва ободонлаштириш харажатлари, шунингдек, ёнилғи маҳсулотлари нархи ошганини инобатга олган ҳолда ажратилган. 

Маълумотларга кўра, Ҳукумат объектларига хизмат кўрсатиш ихтисослаштирилган бошқармасига 166 млн. сўм,  Марказий авария диспетчерлик хизматига 1,6 млрд. сўм, Шаҳар марказий кўчаларидан фойдаланиш, улардан фойдаланиш ва таъмирлаш ихтисослаштирилган бошқармасига 1 млрд. 248 млн. сўм ажратилади. 

Эслатиб ўтамиз, аввалроқ Шавкат Умрзоқов  2 та алоҳида лойиҳага давлат бюджетидан жами 3 млрд. сўмдан ортиқ пул ажратганди.