Қамоққа олинган аёлларга бюджет пулларини ўзлаштириш айби қўйилди

Антиструмин дори воситаси билан боғлиқ жиноят иши эҳтиёт чораси сифатида қамоққа олинган аёлларга бюджет пулларини талон-торож қилиш айби қўйилди.

Аёлларнинг икки нафари Жиноят кодексининг 167-моддаси (ўзлаштириш ёки растрата йўли билан талон-торож қилиш) 3-қисми “а” банди, 205-моддаси (ҳокимият ёки мансаб ваколатини суиистеъмол қилиш) 2-қисми “а” банди ва 257-1-моддаси (санитарияга оид қонунчиликни ёки эпидемияга қарши кураш қоидаларини бузиш) 1-қисми билан айбланмоқда.

Жиноят ишлари бўйича Яшнобод тумани судининг 2023 йил 7 ва 16 ноябр кунларидаги ажримлари билан учаласи қамоққа олинди ва тергов ҳибсхонасига жойлаштирилди.