Ўзбекистон инглизлар устидан ғалабага эришди

Ўсмирлар ўртасидаги жаҳон чемпионати нимчорак финал ўйинида Ўзбекистон терма жамоаси Англия термасига қарши майдонга тушди.

Ўйинда ҳисобни Амирбек Саидов 4-дақиқада очган бўлса, 35-дақиқада Жоэл Ндала ҳисобни тенглаштирди. Футболчилар шу ҳисоб билан танаффусга чиқиб кетишди.

Иккинчи бўлимнинг 67-дақиқасида рақиб дарвозаси томон белгиланган жарима зарбасини Лазизбек Мирзаев моҳирона ижро этди ва Ўзбекистонни олдинга олиб чиқди.

Энди ҳамюртларимиз чорак финалда ўз рақибини кутадилар. Чорак финалда бизга Франция - Сенегал жуфтлиги ғолиби рақиб бўлади.

ЖЧ U-17, нимчорак финал

Англия - Ўзбекистон 1:2
Голлар: Ндала 35 - Саидов 4, Мирзаев 67

Чорак финал жуфтликлари

Испания - Германия (24.11)
Бразилия - Аргентина (24.11)
Мали - Марокаш (25.11)
Ўзбекистон - Франция/Сенегал (25.11)