Тез кунда “Билим учун 100 миллион” олимпиадасининг финали бўлиб ўтади
Олимпиада қизғин паллага кирди. Онлайн босқичда жорий йил 100 мингдан ортиқ фуқаролар иштирок этмоқда. Якунда 1-ўрин соҳиби 100 миллион сўм, 99 нафар финалчининг ҳар бири эса 1 миллион сўмдан пул мукофоти билан тақдирланади.
Ёшлар ишлари агентлиги ташаббуси билан ўтказиладиган “Билим учун 100 миллион” лойиҳасининг @bilimtestbot телеграм ботида ўтказиладиган онлайн босқичида 2022 йил 246 991 нафар иштирокчи қатнашганди.
Апрель ойидан ноябрга қадар энг юқори балл тўплаган 100 нафар иштирокчи ўртасида эса 2022 йил 17 ноябрь куни Тошкент шаҳарида иккинчи босиқч — финал ўтказилган.
2022 йил қизғин давом этган финалда Ўзбекистон Миллий университетининг математика факултети 4-босқич талабаси Жаҳонгир Тўраев ғолиб бўлиб, 100 миллион сўм мукофотини қўлга киритган.
2022 йил қизғин давом этган финалда Ўзбекистон Миллий университетининг математика факултети 4-босқич талабаси Жаҳонгир Тўраев ғолиб бўлиб, 100 миллион сўм мукофотини қўлга киритган.
Бундан ташқари, 99 нафар финалчининг барчасига эса тантанали тақдирлаш маросими ташкил этилиб, 1 миллион сўмдан пул мукофоти ҳамда эсдалик совғалари топширилган. 2022 йил олимпиада ҳақида бир қатор телеканаллар, оммавий ахборот воситалари ва ижтимоий тармоқларда маълумотлар кенг ёритиб борилган.
2023 йил сентябр ойида “Билим учун 100 миллион” лойиҳасининг янги мавсумига старт берилди. Бунда биринчи босқич @bilimtestbot телеграм ботида онлайн шаклда ўтказилмоқда. Тақдим этилаётган тестлар малакали экспертлар томонидан тузилган бўлиб, бир-биридан қизиқарли саволлардан иборат.
Мазкур босқич 10 та турдан иборат, 20 ноябр куни 8-тур саволлари эълон қилинди. Янги мавсумда 100 мингдан ортиқ билимдонлар олимпиадада иштирок этишмоқда. Шундан 70 минг иштирокчи ҳар бир турда саволларни ишлаб, фаол қатнашиб келмоқда.
Декабр ойининг биринчи ўн кунлигида олимпиаданинг онлайн босқичи якунланади. Бунда энг юқори балл тўплаган 100 нафар иштирокчи Тошкент шаҳрида ўтадиган финалга таклиф қилинадилар. Финалда улар махсус саволларни ишлаб, билимларини синайдилар.
Финалда энг юқори балл тўплаган 1 нафар иштирокчи олимпиада ғолиби деб топилади ва 100 миллион сўм пул мукофоти билан (нақд пул шаклида) тақдирланадилар. Қолаверса, 99 нафар финалчининг ҳар бири 1 миллион сўмдан пул мукофоти ҳамда эсдалик совғалари билан мукофотланадилар.
Маълумот учун, айни вақтда “Билим учун 100 миллион” олимпиадаси қизғин паллага кирди. Жорий йилда ҳам финалчиларини тантанали тақдирлаш режалаштирилмоқда. Иштирокчилардан янада фаол бўлиш сўралади.
