Ойлик ва пенсиялар ошириладиган бўлди

1 декабрдан Ўзбекистонда ойлик иш ҳақи, пенсия ва нафақалар миқдори оширилади. Бу ҳақда президент фармони имзоланди.

Унга кўра, иш ҳақи ва пенсиялар 7% га оширилмоқда. Шунингдек:

• пенсияни ҳисоблашнинг базавий миқдори – 372 минг (ҳозир 347 минг) сўм;
• ёшга доир энг кам пенсия миқдори – 725 минг (ҳозир 677 минг) сўм;
• меҳнатга ҳақ тўлашнинг энг кам миқдори – 1 млн 50 минг (ҳозир 980 минг) сўм;
• базавий ҳисоблаш миқдори – 340 минг (ҳозир 330 минг) сўм этиб белгиланмоқда.

Фармон билан талабаларнинг стипендиялари ўзгаришсиз қолган.

Ойликлар охирги марта шу йил апрелда 7 фоизга оширилган эди.