Ўзбек тўйларидаги ҳашаматга қандай қарайсиз?
Platina.uz ушбу мавзуда аҳоли фикрини ўрганди.
Ўзбек маданияти дунёдаги чиройли маданиятлардан биридир. Урф-одатлари, анъаналари асрлар давомида кўплаб қизиқишларга сабаб бўлган. Сўнгги йилларда мана шу урф-одатлар бўрттириб юборилаётганининг, ҳашаматга кўпроқ урғу берилаётганининг гувоҳи бўламиз. Хўш, мана шу ҳашаматга аҳолининг фикри қандай?
Platina.uz ушбу мавзуда аҳоли фикрини ўрганди.
Аксарият одамлар исрофгарчиликдан бошқа нарса эмас, деб таъкидласа, баъзиларнинг фикри "қурби етса, қанча қилса ҳам қилаверсин" бўлди.
Аёлларимиздан бири бу ҳашаматни илмнинг камлигидан деган бўлса, бошқа бири “пул кетса кетсин, обрў кетмасин” жумласи билан фикрини ифодалади.
Одамлардан охирги тўйларга қанча пул сарфланганини сўрадик. Фикрлар хилма-хил, жавоблар эса йилдан-йилга кўпроқ харажат қилаётганимизни кўрсатяпти.
Бу мавзу кеча ёки бугун бизнинг муаммога айлангани йўқ. Абдулла Қодирий “Йиғинди гаплар”ни ёзаётганда қандай аҳамиятга эга бўлган эса, бугун ҳам мана шундай долзарбдир.
Фазилат Соиб
