Ширин шаҳри ҳокими Мирзаобод туманига ўтказилди

Мирзаобод туманига янги ҳоким тайинланди. Бу ҳақда Сирдарё вилояти ҳокимлиги хабар бермоқда. 

Халқ депутатлари Мирзаобод тумани Кенгашининг навбатдан ташқари сессиясида ташкилий масала кўриб чиқилди.

Унда Акмалжон Махмудалиев туман ҳокими лавозимига айни кунга қадар Ширин шаҳар ҳокими лавозимида ишлаб келаётган Султонов Сарвар Тўлқинбек ўғли номзодини тавсия этди.

Овозга қўйиш натижаларига кўра, Сарвар Султонов Мирзаобод тумани ҳокими этиб тасдиқланди.