Ўзбекистоннинг Жанубий Кореядаги элчихонаси огоҳлантириш билан чиқди
Ўтган йили бир нафар ўзбекистонлик Сеулдаги тиқилинч сабаб вафот этганди.
Жамият
30 октябрь 2023 йил
Ўзбекистоннинг Жанубий Кореядаги элчихонаси ушбу давлатда бўлиб турган ўзбекистонликларни огоҳлантирди.
2022 йил 29 октябр куни Ҳэллоуин нишонланган Сеулнинг Итевон кўчасида тиқилинч рўй бериб, нафас қисилиши ва юрак тўхташидан 156 киши ҳалок бўлган, 196 нафари эса жароҳат олган эди.
"Ушбу фожиа натижасида Ўзбекистон Республикасининг 1 нафар фуқароси ҳам ҳаётдан бевақт кўз юмган.
Шу муносабат билан, Ўзбекистон Республикасининг Корея Республикасидаги элчихонаси ушбу давлатда бўлиб турган ватандошларимизга шу кунларда одамлар гавжум тадбирлар, турли митинг ва намойишларда қатнашмасликни сўрайди" дейилади маълумотда.
