Пойтахтда жамоат транспортида йўл ҳақи 1 ноябрдан оширилмоқда. Бу ҳақда "Тошшаҳартрансхизмат" хабар берди.
Пойтахт жамоат транспортида янги, қўшимча ва рағбатлантирувчи тарифлар жорий этилмоқда. Унга кўра, бир йўловчи қатнови учун чекланган тарифлар нақд пул ва банк карталари орқали 2000 сўм, AТТО транспорт карталари орқали тўлов учун эса 1700 сўм этиб белгиланмоқда.
Йўловчилар AТТО транспорт карталаридан фойдаланган ҳолда бир соат ичида иккинчи маротаба автобусдан фойдалансалар йўл ҳақи учун 700 сўм тўлайдилар. Бир соат давомида йўловчилар автобусдан учинчи ва тўртинчи маротаба маълум бир манзилга ҳаракатланиши эса мутлақо бепул бўлади, дейилади хабарда.
Эслатиб ўтамиз, Тошкентда жамоат транспорти нархи сўнгги маротаба 2019 йил августда 1400 сўм этиб белгиланганди.
