Фармацевтика агентлигига директор тайинланди

Абдулла Азизов Фармацевтика тармоғини ривожлантириш агентлиги директори этиб тайинланди. Бу ҳақда Platina.uz манбаси хабар берди.

Бунга қадар у “Олмалиқ кон-металлургия комбинати” АЖ бошқаруви раисининг рақамлаштириш бўйича ўринбосари лавозимида ишлаб келаётганди.

Азизов аввал соғлиқни сақлаш вазири ўринбосари лавозимида ҳам ишлаган. 2019 йилнинг сентябр ойида Давлат солиқ қўмитаси раиси ўринбосари лавозимига тайинланган. Ундан олдин Дания қироллигида ахборот-коммуникация технологиялари соҳасида ишлаган.

Эслатиб ўтамиз, агентликнинг олдинги директори Улуғбек Эгамов шу йил февралда тайинланганди.